حقیقت سے جو آشنا ہو گیا
قیود ہوس سے رہا ہو گیا
نقوش عمل کو مٹا کر کوئی
امیر طلسم دعا ہو گیا
وہ قید تصور سے آزاد ہے
لطافت کا جو آئنہ ہو گیا
تہی دامنی سے پشیماں تھے ہم
وہ تر دامنی پر خفا ہو گیا
ہے چہروں پہ کیوں چھائی پژمردگی
شگفتہ دلوں کو یہ کیا ہو گیا
جو خود خالق مدعا تھا کبھی
وہی بندۂ مدعا ہو گیا
وفاؔ میکدے اب نہ جائے کوئی
وہ رند ازل پارسا ہو گیا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
