har aaine se mera dil puchhta hai

har ā.īne se merā dil pūchhtā hai

ye 'sālik' vahī hai tū pahchāntā hai

vo sach laa.e jitne vo sab jhūTh nikle

mujhe jhūTā kahte haiñ vo intihā hai

ḳhudā āzmā.e sanam āzmā.e

sanam jānte haiñ ḳhudā jāntā hai

bahut suunī suunī haiñ lailā kī rāheñ

ki majnūñ kā dil be-sadā ho gayā hai

ye maanā ki sab haiñ ravāñ sū-e-manzil

jise dekho vo qāfile se judā hai

maiñ tauba-zada huuñ mujhe ye batāo

mire ba.ad maiḳhāne kā haal kyā hai

har aaine se mera dil puchhta hai

ye 'salik' wahi hai tu pahchanta hai

wo sach lae jitne wo sab jhuTh nikle

mujhe jhuTa kahte hain wo intiha hai

KHuda aazmae sanam aazmae

sanam jaante hain KHuda jaanta hai

bahut suni suni hain laila ki rahen

ki majnun ka dil be-sada ho gaya hai

ye mana ki sab hain rawan su-e-manzil

jise dekho wo qafile se juda hai

main tauba-zada hun mujhe ye batao

mere baad maiKHane ka haal kya hai