har aaine mein tere KHadd-o-Khaal aate hain

har aa.ine meñ tire ḳhadd-o-ḳhāl aate haiñ

ajiib rañj tire āshnā uThāte haiñ

tamām umr kise kaun yaad rakhtā hai

ye jānte haiñ magar hausla baḌhāte haiñ

visāl-o-hijr kī sab tohmateñ usī tak thiiñ

ab aise ḳhvāb bhī kab dekhne meñ aate haiñ

ye lahr lahr kise DhūñDtī hai mauj-e-havā

ye regzār kise aa.ina dikhāte haiñ

shikast-e-jāñ ko abhī e'tibār-e-jāñ hai bahut

sarāb-e-dasht meñ dariyā ke ḳhvāb aate haiñ

agar mile haiñ vo lamhe to un kī qadr karo

mohabbatoñ ke ye mausam guzar bhī jaate haiñ

jo mil ga.e haiñ unheñ bhūlnā zarūrī hai

mile nahīñ haiñ jo chehre vo yaad aate haiñ

guzar rahī hai yūñhī shām-e-zindagī 'sājid'

ki ik charāġh jalāte haiñ ik bujhāte haiñ

har aaine mein tere KHadd-o-KHal aate hain

ajib ranj tere aashna uThate hain

tamam umr kise kaun yaad rakhta hai

ye jaante hain magar hausla baDhate hain

visal-o-hijr ki sab tohmaten usi tak thin

ab aise KHwab bhi kab dekhne mein aate hain

ye lahr lahr kise DhunDti hai mauj-e-hawa

ye regzar kise aaina dikhate hain

shikast-e-jaan ko abhi e'tibar-e-jaan hai bahut

sarab-e-dasht mein dariya ke KHwab aate hain

agar mile hain wo lamhe to un ki qadr karo

mohabbaton ke ye mausam guzar bhi jate hain

jo mil gae hain unhen bhulna zaruri hai

mile nahin hain jo chehre wo yaad aate hain

guzar rahi hai yunhi sham-e-zindagi 'sajid'

ki ek charagh jalate hain ek bujhate hain