har bar naya le ke jo fitna nahin aaya

har baar nayā le ke jo fitna nahīñ aayā

is umr meñ aisā koī lamha nahīñ aayā

huuñ ghar meñ ki ahbāb meñ mātūb rahe ham

kuchh ham se na aayā to dikhāvā nahīñ aayā

ālūda kabhī gard-e-talab se na hue ham

hoñToñ pe kabhī harf-e-tamannā nahīñ aayā

ye bhī hai ki mauzūñ na thī duniyā kī ravish bhī

kuchh ham se bhī jiine kā salīqa nahīñ aayā

chhoḌā to na thā ham ne savāloñ kā koī hal

thī jis kī tavaqqo vo natīja nahīñ aayā

nīlām na kar dī ho kahīñ pyaas kī ġhairat

is baar koī kuufe se pyāsā nahīñ aayā

ik shaḳhs pahelī kī tarah saath thā mere

maiñ shahr se niklā to akelā nahīñ aayā

har bar naya le ke jo fitna nahin aaya

is umr mein aisa koi lamha nahin aaya

hun ghar mein ki ahbab mein matub rahe hum

kuchh hum se na aaya to dikhawa nahin aaya

aaluda kabhi gard-e-talab se na hue hum

honTon pe kabhi harf-e-tamanna nahin aaya

ye bhi hai ki mauzun na thi duniya ki rawish bhi

kuchh hum se bhi jine ka saliqa nahin aaya

chhoDa to na tha hum ne sawalon ka koi hal

thi jis ki tawaqqo wo natija nahin aaya

nilam na kar di ho kahin pyas ki ghairat

is bar koi kufe se pyasa nahin aaya

ek shaKHs paheli ki tarah sath tha mere

main shahr se nikla to akela nahin aaya