har chand abhi KHud par zahir mein aur mere ahbab nahin

har chand abhī ḳhud par zāhir meñ aur mire ahbāb nahīñ

yāroñ pe fidā hone vaale kam-yāb sahī nāyāb nahīñ

duniyā kā bharam qaa.em rakhnā auroñ ke liye jiinā marnā

is daur kī vo tahzīb nahīñ is daur ke vo ādāb nahīñ

kashtī pe thapeḌoñ kā hai asar tīkhe sahī maujoñ ke tevar

phir bhī pas-e-manzar meñ yaaro sāzish hai koī girdāb nahīñ

mahbūb-adā hairat-afzā ḳhushbū-sīrat jalva-sūrat

ye ḳhvāb hamāre apne haiñ ye ḳhvāb parā.e ḳhvāb nahīñ

har mauj-e-ravāñ be-faiz rahī be-sāya shajar jaisī ubhrī

dariyā bhī sarāb-āsā niklā ik lab-tishna sairāb nahīñ

bāzār-e-vafā aur be-raunaq ye to alamiyya hai 'ġhausī'

hiire haiñ magar ḳhush-tāb nahīñ motī haiñ magar pur-āb nahīñ

har chand abhi KHud par zahir mein aur mere ahbab nahin

yaron pe fida hone wale kam-yab sahi nayab nahin

duniya ka bharam qaem rakhna auron ke liye jina marna

is daur ki wo tahzib nahin is daur ke wo aadab nahin

kashti pe thapeDon ka hai asar tikhe sahi maujon ke tewar

phir bhi pas-e-manzar mein yaro sazish hai koi girdab nahin

mahbub-ada hairat-afza KHushbu-sirat jalwa-surat

ye KHwab hamare apne hain ye KHwab parae KHwab nahin

har mauj-e-rawan be-faiz rahi be-saya shajar jaisi ubhri

dariya bhi sarab-asa nikla ek lab-tishna sairab nahin

bazar-e-wafa aur be-raunaq ye to alamiyya hai 'ghausi'

hire hain magar KHush-tab nahin moti hain magar pur-ab nahin