har dost ko aazma raha hun

har dost ko aazmā rahā huuñ

dānista fareb khā rahā huuñ

jaada na koī nishān-e-manzil

kis samt qadam baḌhā rahā huuñ

vo aur nigāh-e-lutf mujh par

kis vahm meñ mubtalā rahā huuñ

kyā yuuñ palaT aa.egā vo bachpan

kyoñ ret ke ghar banā rahā huuñ

ik zarra-e-ḳhāk huuñ maiñ lekin

sūraj se nazar milā rahā huuñ

'ābid' ye hai be-hisoñ kī mahfil

haal apnā kahāñ sunā rahā huuñ

har dost ko aazma raha hun

danista fareb kha raha hun

jada na koi nishan-e-manzil

kis samt qadam baDha raha hun

wo aur nigah-e-lutf mujh par

kis wahm mein mubtala raha hun

kya yun palaT aaega wo bachpan

kyon ret ke ghar bana raha hun

ek zarra-e-KHak hun main lekin

suraj se nazar mila raha hun

'abid' ye hai be-hison ki mahfil

haal apna kahan suna raha hun