har ek chehre pe dil ko guman us ka tha

har ek chehre pe dil ko gumān us kā thā

basā na koī ye ḳhālī makān us kā thā

bahut dinoñ se mujhe yaad bhī nahīñ aatā

tamām-umr hī mujh ko dhiyān us kā thā

maiñ be-jahat hī rahā aur be-maqām sā vo

sitāra merā samundar-nishān us kā thā

maiñ us tilism se bāhar kahāñ talak jaatā

fazā khulī thī magar āsmān us kā thā

phir us ke ba.ad koī baat bhī zarūrī na thī

mire ḳhilāf sahī vo bayān us kā thā

tamām dukh mirī āñkhoñ meñ bujh ga.e lekin

jo dhīre dhīre jalā thā nishān us kā thā

mohabbatoñ kī kahānī meñ kaun shāmil hai

mujhe to bārhā ḳhud par gumān us kā thā

havā ne ab ke jalā.e charāġh raste meñ

ki merī raah meñ 'ādil' makān us kā thā

har ek chehre pe dil ko guman us ka tha

basa na koi ye KHali makan us ka tha

bahut dinon se mujhe yaad bhi nahin aata

tamam-umr hi mujh ko dhiyan us ka tha

main be-jahat hi raha aur be-maqam sa wo

sitara mera samundar-nishan us ka tha

main us tilism se bahar kahan talak jata

faza khuli thi magar aasman us ka tha

phir us ke baad koi baat bhi zaruri na thi

mere KHilaf sahi wo bayan us ka tha

tamam dukh meri aankhon mein bujh gae lekin

jo dhire dhire jala tha nishan us ka tha

mohabbaton ki kahani mein kaun shamil hai

mujhe to barha KHud par guman us ka tha

hawa ne ab ke jalae charagh raste mein

ki meri rah mein 'adil' makan us ka tha