har ek gam pe ek but banana chaha hai

har ek gaam pe ik but banānā chāhā hai

jise bhī chāhā bahut kāfirāna chāhā hai

hazār qism ke ilzām aur ḳhāmoshī

ta.alluqāt ko yuuñ bhī nibhānā chāhā hai

girā.e jaane lage haiñ daraḳht har jānib

ki maiñ ne shāḳh pe ik āshiyāna chāhā hai

hai kyuuñ adāvat-e-aġhyār hī kā zikr yahāñ

chaman to ahl-e-chaman ne jalānā chāhā hai

hisār-e-nafrat-e-daur-e-jadīd meñ dil ne

mohabbatoñ kā purānā zamāna chāhā hai

ḳhudāyā dasht-navardī kā shauq hai kis ko

musāfiroñ ne faqat āb-o-dāna chāhā hai

chaman meñ phuul 'tasavvur' khileñ har ik jānib

isī sabab se to sahrā basānā chāhā hai

har ek gam pe ek but banana chaha hai

jise bhi chaha bahut kafirana chaha hai

hazar qism ke ilzam aur KHamoshi

talluqat ko yun bhi nibhana chaha hai

girae jaane lage hain daraKHt har jaanib

ki main ne shaKH pe ek aashiyana chaha hai

hai kyun adawat-e-aghyar hi ka zikr yahan

chaman to ahl-e-chaman ne jalana chaha hai

hisar-e-nafrat-e-daur-e-jadid mein dil ne

mohabbaton ka purana zamana chaha hai

KHudaya dasht-nawardi ka shauq hai kis ko

musafiron ne faqat aab-o-dana chaha hai

chaman mein phul 'tasawwur' khilen har ek jaanib

isi sabab se to sahra basana chaha hai