har ek zehn mein sara hisab rahta hai

har ek zehn meñ saarā hisāb rahtā hai

savāl sunñe se pahle javāb rahtā hai

vo ek moḌ jahāñ ek din luTā thā maiñ

vahīñ mirā dil-e-ḳhāna-ḳharāb rahtā hai

havā ke dam pe hai jab zindagī kā dār-o-madār

to kyuuñ ġhurūr tujhe ai habāb rahtā hai

chalegī chaal koī gardish-e-falak shāyad

ka.ī dinoñ se baḌā iztirāb rahtā hai

vo jholī kaise bhare pyaar karne vāloñ kī

isī firāq meñ TuuTā shahāb rahtā hai

mire liye haiñ musībat ye ā.ina-ḳhāne

yahāñ zamīr mirā be-naqāb rahtā hai

hasīn ḳhvāb hoñ kitne hī par koī 'ālok'

tamām umr kahāñ mahv-e-ḳhvāb rahtā hai

har ek zehn mein sara hisab rahta hai

sawal sunne se pahle jawab rahta hai

wo ek moD jahan ek din luTa tha main

wahin mera dil-e-KHana-KHarab rahta hai

hawa ke dam pe hai jab zindagi ka dar-o-madar

to kyun ghurur tujhe ai habab rahta hai

chalegi chaal koi gardish-e-falak shayad

kai dinon se baDa iztirab rahta hai

wo jholi kaise bhare pyar karne walon ki

isi firaq mein TuTa shahab rahta hai

mere liye hain musibat ye aaina-KHane

yahan zamir mera be-naqab rahta hai

hasin KHwab hon kitne hi par koi 'alok'

tamam umr kahan mahw-e-KHwab rahta hai