har ghaDi fikr-e-rasti kya hai

har ghaḌī fikr-e-rāstī kyā hai

ik musībat hai zindagī kyā hai

ghup añdherā hai mere chāroñ-or

is meñ thoḌī sī raushnī kyā hai

bahut uljhā huā hisāb hai ye

merā khātā hai kyā bahī kyā hai

naam haiñ nafs kī parastish ke

dostī kyā hai dushmanī kyā hai

shahr meñ rah ke dekhiye ik din

duur jañgal meñ rāhebī kyā hai

saarī bātoñ kā maiñ musannif huuñ

mere aage likhī sunī kyā hai

maiñ ne dekhā hai ḳhuuñ kī sham.oñ se

gum-rahī kyā hai rah-ravī kyā hai

ahd-e-pīrī meñ apnī lauh-e-zamīr

saaf ho gar to khusravī kyā hai

ye tazādāt ye sarāb ye dil

zindagī kyā hai aadmī kyā hai

band ashkāl meñ muqayyad huuñ

aql kis kaam āgahī kyā hai

sochtā huuñ to kuchh nahīñ khultā

jāntā huuñ magar badī kyā hai

dil meñ vasvās yā-alī kyuuñ hai

sar-e-mahjūb yā-nabī kyā hai

har ghaDi fikr-e-rasti kya hai

ek musibat hai zindagi kya hai

ghup andhera hai mere chaaron-or

is mein thoDi si raushni kya hai

bahut uljha hua hisab hai ye

mera khata hai kya bahi kya hai

nam hain nafs ki parastish ke

dosti kya hai dushmani kya hai

shahr mein rah ke dekhiye ek din

dur jangal mein rahebi kya hai

sari baaton ka main musannif hun

mere aage likhi suni kya hai

main ne dekha hai KHun ki shamon se

gum-rahi kya hai rah-rawi kya hai

ahd-e-piri mein apni lauh-e-zamir

saf ho gar to khusrawi kya hai

ye tazadat ye sarab ye dil

zindagi kya hai aadmi kya hai

band ashkal mein muqayyad hun

aql kis kaam aagahi kya hai

sochta hun to kuchh nahin khulta

jaanta hun magar badi kya hai

dil mein waswas ya-ali kyun hai

sar-e-mahjub ya-nabi kya hai