har harf-e-arzu pe kare tha wo yar bahs

har harf-e-ārzū pe kare thā vo yaar bahs

ek ek baat par thī use shab hazār bahs

laa.e hai khīñch ārzū-e-zaḳhm duur se

kaho vaar par na qātil ḳhanjar-guzār bahs

hairat-zadoñ ko mahfil-e-tasvīr kī tarah

ne hai shi.ār-e-ramz-o-kināya na kār-e-bahs

yā zikr-e-dost yā hai zabāñ par hadīs-e-ishq

juuñ ahl-e-madarsa nahīñ apnā shi.ār bahs

takrār se dil apnā jo māñgā kahā ki chal

miltā hai koī ye na abas baar baar bahs

kiije agar gila to taraf-dār yaar ho

aap hī lagā.e mujh se dil-e-be-qarār bahs

'mamnūñ' mujhe nasīhat-e-sā.ib ye yaad hai

tā sulh mumkin ast makun zīnhār bahs

har harf-e-arzu pe kare tha wo yar bahs

ek ek baat par thi use shab hazar bahs

lae hai khinch aarzu-e-zaKHm dur se

kaho war par na qatil KHanjar-guzar bahs

hairat-zadon ko mahfil-e-taswir ki tarah

ne hai shiar-e-ramz-o-kinaya na kar-e-bahs

ya zikr-e-dost ya hai zaban par hadis-e-ishq

jun ahl-e-madarsa nahin apna shiar bahs

takrar se dil apna jo manga kaha ki chal

milta hai koi ye na abas bar bar bahs

kije agar gila to taraf-dar yar ho

aap hi lagae mujh se dil-e-be-qarar bahs

'mamnun' mujhe nasihat-e-saib ye yaad hai

ta sulh mumkin ast makun zinhaar bahs