har ek dard-o-gham ki dawa ho gae

har ik dard-o-ġham kī davā ho ga.e

mire dil kā vo mudda.ā ho ga.e

jo lab par the naale rasā ho ga.e

mire haq meñ paiham duā ho ga.e

idhar jazb-e-dil kāmrāñ ho gayā

udhar un ke va.ade vafā ho ga.e

tirī yaad meñ gum hue is qadar

har ik qaid-e-ġham se rihā ho ga.e

kisī ġham ko bhī jo na ḳhātir meñ laa.e

tire ġham meñ vo mubtalā ho ga.e

mire ġham kā afsāna sun sun ke vo

ġhanīmat hai dard-āshnā ho ga.e

vahī zaḳhm jo dil pe the ai 'kañval'

guloñ kī tarah ḳhush-numā ho ga.e

har ek dard-o-gham ki dawa ho gae

mere dil ka wo muddaa ho gae

jo lab par the nale rasa ho gae

mere haq mein paiham dua ho gae

idhar jazb-e-dil kaamran ho gaya

udhar un ke wade wafa ho gae

teri yaad mein gum hue is qadar

har ek qaid-e-gham se riha ho gae

kisi gham ko bhi jo na KHatir mein lae

tere gham mein wo mubtala ho gae

mere gham ka afsana sun sun ke wo

ghanimat hai dard-ashna ho gae

wahi zaKHm jo dil pe the ai 'kanwal'

gulon ki tarah KHush-numa ho gae