har ek faisla usne behtar kiya

har ik faisla us ne behtar kiyā

mujhe aañkh dī tum ko manzar kiyā

dil-e-ḳhūñ-chakīda munavvar kiyā

to āñkhoñ kā sahrā samundar kiyā

lakīroñ ko raushan sitāre diye

sitāroñ ko apnā muqaddar kiyā

vahīñ Dūbne kā yaqīñ aa gayā

jahāñ us ne ham ko shanāvar kiyā

ujālā nafī hai jab us ne kahā

añdhere meñ the ham ne bāvar kiyā

har ek faisla us ne behtar kiya

mujhe aankh di tum ko manzar kiya

dil-e-KHun-chakida munawwar kiya

to aankhon ka sahra samundar kiya

lakiron ko raushan sitare diye

sitaron ko apna muqaddar kiya

wahin Dubne ka yaqin aa gaya

jahan us ne hum ko shanawar kiya

ujala nafi hai jab us ne kaha

andhere mein the hum ne bawar kiya