har ek maqam se aage guzar gaya mah-e-nau
Interesting Fact
Baal-e-Gibril
har ik maqām se aage guzar gayā mah-e-nau
kamāl kis ko mayassar huā hai be-tag-o-dau
nafas ke zor se vo ġhuncha vā huā bhī to kyā
jise nasīb nahīñ āftāb kā partav
nigāh paak hai terī to paak hai dil bhī
ki dil ko haq ne kiyā hai nigāh kā pairav
panap sakā na ḳhayābāñ meñ lāla-e-dil-soz
ki sāzgār nahīñ ye jahān-e-gandum-o-jau
rahe na 'aibak' o 'ġhaurī' ke mārke baaqī
hamesha taaza o shīrīñ hai naġhma-e-'ḳhusrau'
har ek maqam se aage guzar gaya mah-e-nau
kamal kis ko mayassar hua hai be-tag-o-dau
nafas ke zor se wo ghuncha wa hua bhi to kya
jise nasib nahin aaftab ka partaw
nigah pak hai teri to pak hai dil bhi
ki dil ko haq ne kiya hai nigah ka pairaw
panap saka na KHayaban mein lala-e-dil-soz
ki sazgar nahin ye jahan-e-gandum-o-jau
rahe na 'aibak' o 'ghauri' ke marke baqi
hamesha taza o shirin hai naghma-e-'KHusrau'
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
