har ek salib-o-dar ka nazzara hum hue

har ik salīb-o-dār kā nazzāra ham hue

har ek ke gunāh kā kaffāra ham hue

aa.ī jo bhūrī shaam sulagne lagā badan

bhīgī jo kaalī raat to añgārā ham hue

miTTī meñ mil ga.e to khilā.e gunāh gul

uble to apne ḳhuun kā favvāra ham hue

samjhā thā vo ki ḳhaak meñ ham ko milā diyā

paidā isī zamīn se dobāra ham hue

har ek chobdār ne khīñchī hamārī khaal

har daur ke julūs kā naqqārā ham hue

jin ajnabī ḳhalāoñ se vāqif nahīñ koī

'muztar' unhīñ ḳhalāoñ kā sayyāra ham hue

har ek salib-o-dar ka nazzara hum hue

har ek ke gunah ka kaffara hum hue

aai jo bhuri sham sulagne laga badan

bhigi jo kali raat to angara hum hue

miTTi mein mil gae to khilae gunah gul

uble to apne KHun ka fawwara hum hue

samjha tha wo ki KHak mein hum ko mila diya

paida isi zamin se dobara hum hue

har ek chobdar ne khinchi hamari khaal

har daur ke julus ka naqqara hum hue

jin ajnabi KHalaon se waqif nahin koi

'muztar' unhin KHalaon ka sayyara hum hue