har ek zarre se hai tabani-e-shams-o-qamar paida

har ik zarre se hai tābānī-e-shams-o-qamar paidā

har ik ā.īne se hai sūrat-e-ā.īna-gar paidā

zamāna band kar detā hai jis par ik dar-e-ishrat

to is ke vāste kartī hai fitrat laakh dar paidā

gadāoñ kī nazar meñ ḳhaak hai tauqīr-e-sultānī

fusūn-e-ishq kar detā hai zarroñ meñ nazar paidā

nahīñ kuchh duur ye bhī sūrmā qaumoñ kī fitrat se

shikasteñ khā ke bhī kar lete haiñ fat.h-o-zafar paidā

junūñ ko chāhiyeñ be-ḳhauf-o-ā.alī-zarf dīvāne

har ik dīvār meñ zindāñ kī ho sakte haiñ dar paidā

haqīqat meñ ḳhizāñ ta.amīr hai fasl-e-bahārī kī

ki dard-e-sar se hotī hai davā-e-dard-e-sar paidā

har ek zarre se hai tabani-e-shams-o-qamar paida

har ek aaine se hai surat-e-aina-gar paida

zamana band kar deta hai jis par ek dar-e-ishrat

to is ke waste karti hai fitrat lakh dar paida

gadaon ki nazar mein KHak hai tauqir-e-sultani

fusun-e-ishq kar deta hai zarron mein nazar paida

nahin kuchh dur ye bhi surma qaumon ki fitrat se

shikasten kha ke bhi kar lete hain fath-o-zafar paida

junun ko chahiyen be-KHauf-o-aali-zarf diwane

har ek diwar mein zindan ki ho sakte hain dar paida

haqiqat mein KHizan tamir hai fasl-e-bahaari ki

ki dard-e-sar se hoti hai dawa-e-dard-e-sar paida