har jaanib virani bhi ho sakti hai
har jānib vīrānī bhī ho saktī hai
sub.h kī rañgat dhānī bhī ho saktī hai
jab kashtī Daalī thī kis ne sochā thā
dariyā meñ tuġhyānī bhī ho saktī hai
na.e safar ke na.e azaab aur na.e gulāb
sūrat-e-hāl purānī bhī ho saktī hai
har-pal jo dil ko dahlā.e rakhtī hai
kuchh bhī nahīñ hairānī bhī ho saktī hai
safar irāda kar to liyā par rastoñ meñ
raat koī tūfānī bhī ho saktī hai
us ko mere naam se nisbat hai lekin
baat ye ānī-jānī bhī ho saktī hai
har jaanib virani bhi ho sakti hai
subh ki rangat dhani bhi ho sakti hai
jab kashti Dali thi kis ne socha tha
dariya mein tughyani bhi ho sakti hai
nae safar ke nae azab aur nae gulab
surat-e-haal purani bhi ho sakti hai
har-pal jo dil ko dahlae rakhti hai
kuchh bhi nahin hairani bhi ho sakti hai
safar irada kar to liya par raston mein
raat koi tufani bhi ho sakti hai
us ko mere nam se nisbat hai lekin
baat ye aani-jaani bhi ho sakti hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
