har kaThin moD pe bante hain sahaare mere

har kaThin moḌ pe bante haiñ sahāre mere

dost achchhe haiñ suno saare ke saare mere

ye alag baat ki kuchh kar nahīñ pā.eñge magar

raat kī raah to rokeñge sitāre mere

kahīñ sarsoñ kā talātum kahīñ kaahū kā sukūt

ek se ek haiñ gaañv ke nazāre mere

shab samajhtī hai mirī baat kī saarī parteñ

din pe khul hī nahīñ paate haiñ ishāre mere

ek hī tarah se jo sochte haiñ ham donoñ

ek se dard haiñ ya.anī ki tumhāre mere

har kaThin moD pe bante hain sahaare mere

dost achchhe hain suno sare ke sare mere

ye alag baat ki kuchh kar nahin paenge magar

raat ki rah to rokenge sitare mere

kahin sarson ka talatum kahin kahu ka sukut

ek se ek hain ganw ke nazare mere

shab samajhti hai meri baat ki sari parten

din pe khul hi nahin pate hain ishaare mere

ek hi tarah se jo sochte hain hum donon

ek se dard hain yani ki tumhaare mere