har kisi ka har kisi se rabta TuTa hua
har kisī kā har kisī se rābta TuuTā huā
aañkh se manzar ḳhabar se vāqi.a TuuTā huā
kyuuñ ye ham-sūrat ravāñ haiñ muḳhtalif atrāf meñ
hai kahīñ se qāfile kā silsila TuuTā huā
vaa.e majbūrī ki apnā masḳh chehra dekhiye
sāmne rakkhā gayā hai aa.inā TuuTā huā
ḳhud-ba-ḳhud badle to badle ye zamīñ is ke sivā
kyā bashārat de hamārā hausla TuuTā huā
ḳhvāb ke aage shikast-e-ḳhvāb kā thā sāmnā
ye safar thā marhala-dar-marhala TuuTā huā
kuchh taġhāful bhī ḳhabardārī meñ shāmil kījiye
varna kar Dālegā pāgal vāhima TuuTā huā
har kisi ka har kisi se rabta TuTa hua
aankh se manzar KHabar se waqia TuTa hua
kyun ye ham-surat rawan hain muKHtalif atraf mein
hai kahin se qafile ka silsila TuTa hua
wae majburi ki apna masKH chehra dekhiye
samne rakkha gaya hai aaina TuTa hua
KHud-ba-KHud badle to badle ye zamin is ke siwa
kya bashaarat de hamara hausla TuTa hua
KHwab ke aage shikast-e-KHwab ka tha samna
ye safar tha marhala-dar-marhala TuTa hua
kuchh taghaful bhi KHabardari mein shamil kijiye
warna kar Dalega pagal wahima TuTa hua
- Book : Funoon (Monthly) (Pg. 299)
- Author : Ahmad Nadeem Qasmi
- Publication : 4 Maklood Road, Lahore (Nov. Dec. 1985,Issue No. 23)
- Edition : Nov. Dec. 1985,Issue No. 23
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
