har lafz uske munh se jo nikla bhala laga

har lafz us ke muñh se jo niklā bhalā lagā

har vo libās us ne jo pahnā nayā lagā

rahtā hai pattharoñ ke nagar meñ vo sang-dil

be-fā.eda hai dar pe na us ke sadā lagā

be-chehra be-libās haiñ bastī ke saare log

kaisī hayā yahāñ pe na band-e-qabā lagā

sūrat se us kī mujh ko hai nafrat magar ye kyā

tasvīr se usī kī mirā ghar sajā lagā

tujh se farār pā na sakā maiñ kabhī 'zafar'

jis rāste gayā vo tire ghar se jā lagā

har lafz us ke munh se jo nikla bhala laga

har wo libas us ne jo pahna naya laga

rahta hai pattharon ke nagar mein wo sang-dil

be-faeda hai dar pe na us ke sada laga

be-chehra be-libas hain basti ke sare log

kaisi haya yahan pe na band-e-qaba laga

surat se us ki mujh ko hai nafrat magar ye kya

taswir se usi ki mera ghar saja laga

tujh se farar pa na saka main kabhi 'zafar'

jis raste gaya wo tere ghar se ja laga