har lahza kamin dil mein teri yaad rahegi

har lahza kamīñ dil meñ tirī yaad rahegī

bastī ye ujaḌne pe bhī ābād rahegī

hai hasti-e-āshiq kā bas itnā hī fasāna

barbād thī barbād hai barbād rahegī

hai ishq vo ne.amat jo ḳharīdī nahīñ jaatī

ye shai hai ḳhudā-dād ḳhudā-dād rahegī

sayyād ko ma.alūm na thā raaz ye shāyad

ye ruuh qafas meñ bhī to āzād rahegī

vo aa.e bhī to zabt se lab hil na sakeñge

fariyād mirī tishna-e-fariyād rahegī

ye husn-e-sitam-kosh sitam-kosh hai kab tak

kab tak ye nazar bānī-e-be-dād rahegī

vo zulf-e-pareshāñ kā sañvāre na sañvarnā

vo un ke bigaḌne kī adā yaad rahegī

har lahza kamin dil mein teri yaad rahegi

basti ye ujaDne pe bhi aabaad rahegi

hai hasti-e-ashiq ka bas itna hi fasana

barbaad thi barbaad hai barbaad rahegi

hai ishq wo neamat jo KHaridi nahin jati

ye shai hai KHuda-dad KHuda-dad rahegi

sayyaad ko malum na tha raaz ye shayad

ye ruh qafas mein bhi to aazad rahegi

wo aae bhi to zabt se lab hil na sakenge

fariyaad meri tishna-e-fariyaad rahegi

ye husn-e-sitam-kosh sitam-kosh hai kab tak

kab tak ye nazar bani-e-be-dad rahegi

wo zulf-e-pareshan ka sanware na sanwarna

wo un ke bigaDne ki ada yaad rahegi