har qadam par hum samajhte the ki manzil aa gai

har qadam par ham samajhte the ki manzil aa ga.ī

har qadam par ik na.ī darpesh mushkil aa ga.ī

yā ḳhalā par hukmarāñ yā ḳhaak ke andar nihāñ

zindagī DaT kar anāsir ke muqābil aa ga.ī

baḌh rahā hai dam-ba-dam sub.h-e-haqīqat kā yaqīñ

har nafas par ye gumāñ hotā hai manzil aa ga.ī

TūTte jaate haiñ rishte joḌtā jaatā huuñ maiñ

ek mushkil kam huī aur ek mushkil aa ga.ī

hāl-e-dil hai koī ḳhvāb-āvar fasāna to nahīñ

niiñd abhī se tum ko ai yārān-e-mahfil aa ga.ī

har qadam par hum samajhte the ki manzil aa gai

har qadam par ek nai darpesh mushkil aa gai

ya KHala par hukmaran ya KHak ke andar nihan

zindagi DaT kar anasir ke muqabil aa gai

baDh raha hai dam-ba-dam subh-e-haqiqat ka yaqin

har nafas par ye guman hota hai manzil aa gai

TuTte jate hain rishte joDta jata hun main

ek mushkil kam hui aur ek mushkil aa gai

haal-e-dil hai koi KHwab-awar fasana to nahin

nind abhi se tum ko ai yaran-e-mahfil aa gai