har samt dekhta hun lagatar matlabi

har samt dekhtā huuñ lagātār matlabī

is paar matlabī miyāñ us paar matlabī

ḳhud fā.eda uThāyā hamāre junūñ se aur

kahne lage haiñ ab hameñ sarkār matlabī

koshish ke bāvajūd jo khultā nahīñ kabhī

ik jāntā huuñ aisā pur-asrār matlabī

hai us kī bevafā.ī bhī lazzat bharī janāb

hai merā ek dost mazedār matlabī

dar kar rahe the dhoka azīzān mere saath

mujh ko ye lag rahā thā hai dīvār matlabī

ham hī nahīñ haiñ rang ke tahzīb-āshnā

us shoḳh ke nahīñ lab-o-ruḳhsār matlabī

pahchāntā huuñ dekhte hī un ko dosto

milte haiñ mujh ko din meñ ka.ī baar matlabī

'mannān' kar rahā huuñ maiñ ab dostoñ ko kam

har roz chhoḌtā huuñ maiñ do-chār matlabī

har samt dekhta hun lagatar matlabi

is par matlabi miyan us par matlabi

KHud faeda uThaya hamare junun se aur

kahne lage hain ab hamein sarkar matlabi

koshish ke bawajud jo khulta nahin kabhi

ek jaanta hun aisa pur-asrar matlabi

hai us ki bewafai bhi lazzat bhari janab

hai mera ek dost mazedar matlabi

dar kar rahe the dhoka azizan mere sath

mujh ko ye lag raha tha hai diwar matlabi

hum hi nahin hain rang ke tahzib-ashna

us shoKH ke nahin lab-o-ruKHsar matlabi

pahchanta hun dekhte hi un ko dosto

milte hain mujh ko din mein kai bar matlabi

'mannan' kar raha hun main ab doston ko kam

har roz chhoDta hun main do-chaar matlabi