har shai aani-jaani hai
har shai ānī-jānī hai
jīvan bahtā paanī hai
hijr kī rāteñ vasl ke din
ik dilchasp kahānī hai
husn hai faanī ishq mirā
an-miT hai lā-fānī hai
jo nā-ahl hai un hāthoñ meñ
phūloñ kī nigarānī hai
rahte ek galī meñ haiñ
donoñ ko hairānī hai
sab chalte haiñ Dagar Dagar
ek Dagar an-jānī hai
apnā hai phir apnā lahū
paanī āḳhir paanī hai
'anjum' terī ġhazloñ meñ
sachche pyaar kī baanī hai
har shai aani-jaani hai
jiwan bahta pani hai
hijr ki raaten wasl ke din
ek dilchasp kahani hai
husn hai fani ishq mera
an-miT hai la-fani hai
jo na-ahl hai un hathon mein
phulon ki nigarani hai
rahte ek gali mein hain
donon ko hairani hai
sab chalte hain Dagar Dagar
ek Dagar an-jaani hai
apna hai phir apna lahu
pani aaKHir pani hai
'anjum' teri ghazlon mein
sachche pyar ki bani hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
