har su hai tariki chhai tum bhi chup aur hum bhi chup

har sū hai tārīkī chhā.ī tum bhī chup aur ham bhī chup

kis ne aisī sham.a jalā.ī tum bhī chup aur ham bhī chup

kis jānib hai apnī manzil dorāhe par aa pahuñche

kis ne aisī raah batā.ī tum bhī chup aur ham bhī chup

dasht-e-tapāñ meñ jaane kab se dil ne dī haiñ āvāzeñ

koī bhī āvāz na aa.ī tum bhī chup aur ham bhī chup

raah kisī kī takte takte taare bhī ab raakh hue

sub.h kī devī bhī muskā.ī tum bhī chup aur ham bhī chup

dard ke be-pāyāñ sahrā meñ duur talak hai sannāTā

zaḳhm-e-dil ne lī añgḌā.ī tum bhī chup aur ham bhī chup

har su hai tariki chhai tum bhi chup aur hum bhi chup

kis ne aisi shama jalai tum bhi chup aur hum bhi chup

kis jaanib hai apni manzil dorahe par aa pahunche

kis ne aisi rah batai tum bhi chup aur hum bhi chup

dasht-e-tapan mein jaane kab se dil ne di hain aawazen

koi bhi aawaz na aai tum bhi chup aur hum bhi chup

rah kisi ki takte takte tare bhi ab rakh hue

subh ki dewi bhi muskai tum bhi chup aur hum bhi chup

dard ke be-payan sahra mein dur talak hai sannaTa

zaKHm-e-dil ne li angDai tum bhi chup aur hum bhi chup