har-su jahan mein sham o sahar DhunDte hain hum

Ajiz Matvi

har-su jahan mein sham o sahar DhunDte hain hum

Ajiz Matvi

MORE BYAjiz Matvi

    har-sū jahāñ meñ shaam o sahar DhūñDte haiñ ham

    jo dil meñ ghar kare vo nazar DhūñDte haiñ ham

    in bastiyoñ ko phūñk ke ḳhud apne haath se

    apne nagar meñ apnā vahī ghar DhūñDte haiñ ham

    juz reg-zār kuchh bhī nahīñ tā-hadd-e-nigāh

    sahrā meñ sāya-dār shajar DhūñDte haiñ ham

    taslīm hai ki juḌtā nahīñ hai shikasta dil

    phir bhī dukān-e-ā.īna-gar DhūñDte haiñ ham

    jis adā adā pe ho insāniyat ko naaz

    mil jaa.e kaash aisā bashar DhūñDte haiñ ham

    kuchh imtiyāz-e-maz.hab-o-millat nahīñ hameñ

    ik mo'tabar rafīq-e-safar DhūñDte haiñ ham

    is daur meñ jo fan ko hamāre parakh sake

    vo sāhab-e-zabān-o-nazar DhūñDte haiñ ham

    haath aa.egā na kuchh bhī ba-juz sañg-e-be-bisāt

    uthle samundaroñ meñ guhar DhūñDte haiñ ham

    'ājiz' talāsh-e-sham.a meñ parvāne mahv haiñ

    hairat unheñ hai un ko agar DhūñDte haiñ ham

    har-su jahan mein sham o sahar DhunDte hain hum

    jo dil mein ghar kare wo nazar DhunDte hain hum

    in bastiyon ko phunk ke KHud apne hath se

    apne nagar mein apna wahi ghar DhunDte hain hum

    juz reg-zar kuchh bhi nahin ta-hadd-e-nigah

    sahra mein saya-dar shajar DhunDte hain hum

    taslim hai ki juDta nahin hai shikasta dil

    phir bhi dukan-e-aina-gar DhunDte hain hum

    jis ki ada ada pe ho insaniyat ko naz

    mil jae kash aisa bashar DhunDte hain hum

    kuchh imtiyaz-e-mazhab-o-millat nahin hamein

    ek mo'tabar rafiq-e-safar DhunDte hain hum

    is daur mein jo fan ko hamare parakh sake

    wo sahab-e-zaban-o-nazar DhunDte hain hum

    hath aaega na kuchh bhi ba-juz sang-e-be-bisat

    uthle samundaron mein guhar DhunDte hain hum

    'ajiz' talash-e-shama mein parwane mahw hain

    hairat unhen hai un ko agar DhunDte hain hum

    Source:

    • Book : mahbas-e-gham (Pg. 47)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY