har talabgar ko mehnat ka sila milta hai

har talabgār ko mehnat kā sila miltā hai

but haiñ kyā chiiz ki DhūñDhe se ḳhudā miltā hai

vaqt par kaam na aayā dil-e-nāshād kabhī

TuuT kar ye bhī usī shoḳh se jā miltā hai

vo jo inkār bhī karte haiñ to kis naaz ke saath

mujh ko milne meñ na milne kā mazā miltā hai

ye kudūrat ye adāvat ye jafā ḳhuub nahīñ

mujh ko miTTī meñ milā kar tumheñ kyā miltā hai

'nūh' ham ko nazar aayā na yahāñ but bhī koī

log kahte the ki ka.abe meñ ḳhudā miltā hai

har talabgar ko mehnat ka sila milta hai

but hain kya chiz ki DhunDhe se KHuda milta hai

waqt par kaam na aaya dil-e-nashad kabhi

TuT kar ye bhi usi shoKH se ja milta hai

wo jo inkar bhi karte hain to kis naz ke sath

mujh ko milne mein na milne ka maza milta hai

ye kudurat ye adawat ye jafa KHub nahin

mujh ko miTTi mein mila kar tumhein kya milta hai

'nuh' hum ko nazar aaya na yahan but bhi koi

log kahte the ki kabe mein KHuda milta hai