har taur har tarah ki jo zillat mujhi ko hai

har taur har tarah kī jo zillat mujhī ko hai

duniyā meñ kyā kisī se mohabbat mujhī ko hai

ḳhud maiñ ne apne-āp ko bad-nām kar diyā

sābit huā ki mujh se adāvat mujhī ko hai

tum bhī to roz dekhte rahte ho ā.īna

sach bolo kyā pasand ye sūrat mujhī ko hai

tum ko to kuchh zarūr nahīñ pās-e-dostī

haañ ye zarūr hai ki zarūrat mujhī ko hai

jab lutf thā ki us ko bhī hotā mirā ḳhayāl

'kaifī' ġhazab to ye hai mohabbat mujhī ko hai

har taur har tarah ki jo zillat mujhi ko hai

duniya mein kya kisi se mohabbat mujhi ko hai

KHud main ne apne-ap ko bad-nam kar diya

sabit hua ki mujh se adawat mujhi ko hai

tum bhi to roz dekhte rahte ho aaina

sach bolo kya pasand ye surat mujhi ko hai

tum ko to kuchh zarur nahin pas-e-dosti

han ye zarur hai ki zarurat mujhi ko hai

jab lutf tha ki us ko bhi hota mera KHayal

'kaifi' ghazab to ye hai mohabbat mujhi ko hai