har zarra-e-ummid se KHushbu nikal aae

har zarra-e-ummīd se ḳhushbū nikal aa.e

tanhā.ī ke sahrā meñ agar tū nikal aa.e

kaisā lage is paar agar mausam-e-gul meñ

titlī kā badan oḌh ke jugnū nikal aa.e

phir din tirī yādoñ kī muñDeroñ pe guzārā

phir shaam huī aañkh meñ aañsū nikal aa.e

bechain kiye rahtā hai dhaḌkā yahī jī ko

tujh meñ na zamāne kī koī ḳhū nikal aa.e

phir dil ne kiyā tark-e-ta.alluq kā irāda

phir tujh se mulāqāt ke pahlū nikal aa.e

har zarra-e-ummid se KHushbu nikal aae

tanhai ke sahra mein agar tu nikal aae

kaisa lage is par agar mausam-e-gul mein

titli ka badan oDh ke jugnu nikal aae

phir din teri yaadon ki munDeron pe guzara

phir sham hui aankh mein aansu nikal aae

bechain kiye rahta hai dhaDka yahi ji ko

tujh mein na zamane ki koi KHu nikal aae

phir dil ne kiya tark-e-talluq ka irada

phir tujh se mulaqat ke pahlu nikal aae