har zarra gul-fishan hai nazar chur chur hai

har zarra gul-fishāñ hai nazar chuur chuur hai

nikle haiñ mai-kade se to chehre pe nuur hai

haañ tū kahe to jaan kī parvā nahīñ mujhe

yuuñ zindagī se mujh ko mohabbat zarūr hai

ab ai havā-e-charḳh-e-kuhan terī ḳhair ho

uThne ko is zamīn se shor-e-nushūr hai

apnā jo bas chale to tujhe tujh se maañg leñ

par kyā kareñ ki ishq kī fitrat ġhayūr hai

nāzuk thā āb-gīna-e-dil TuuT hī gayā

tū ab na ho malūl tirā kyā qusūr hai

aariz pe tere merī mohabbat kī surḳhiyāñ

merī jabīñ pe terī vafā kā ġhurūr hai

har zarra gul-fishan hai nazar chur chur hai

nikle hain mai-kade se to chehre pe nur hai

han tu kahe to jaan ki parwa nahin mujhe

yun zindagi se mujh ko mohabbat zarur hai

ab ai hawa-e-charKH-e-kuhan teri KHair ho

uThne ko is zamin se shor-e-nushur hai

apna jo bas chale to tujhe tujh se mang len

par kya karen ki ishq ki fitrat ghayur hai

nazuk tha aab-gina-e-dil TuT hi gaya

tu ab na ho malul tera kya qusur hai

aariz pe tere meri mohabbat ki surKHiyan

meri jabin pe teri wafa ka ghurur hai