harf ko daftar-e-yamin pe rakh

harf ko daftar-e-yamīn pe rakh

raaz ko mauja-e-amīn pe rakh

chhū nazar se makāñ mashiyyat kā

sar ko jaltī huī zamīn pe rakh

apne ḳhud-sāḳhta ḳhayāloñ kī

barf ko sho.ala-e-yaqīn pe rakh

khol izn-e-ḳhurūj kā parcham

ḳhuun kā daaġh āstīn pe rakh

ḳhuud kī Dhaal se kahīñ behtar

zaḳhm talvār kā jabīn pe rakh

khīñch rahvār-e-tishnagī kī inaañ

saarā jāh-o-jalāl ziin pe rakh

vo diloñ kī zabāñ samajhte haiñ

apnī bechārgī ko scene pe rakh

harf ko daftar-e-yamin pe rakh

raaz ko mauja-e-amin pe rakh

chhu nazar se makan mashiyyat ka

sar ko jalti hui zamin pe rakh

apne KHud-saKHta KHayalon ki

barf ko shoala-e-yaqin pe rakh

khol izn-e-KHuruj ka parcham

KHun ka dagh aastin pe rakh

KHud ki Dhaal se kahin behtar

zaKHm talwar ka jabin pe rakh

khinch rahwar-e-tishnagi ki inan

sara jah-o-jalal zin pe rakh

wo dilon ki zaban samajhte hain

apni bechaargi ko scene pe rakh