harif-e-matlab-e-mushkil nahin fusun-e-niyaz

harīf-e-matlab-e-mushkil nahīñ fusūn-e-niyāz

duā qubūl ho yā rab ki umr-e-ḳhizr darāz

na ho ba-harzah bayābāñ-navard-e-vahm-e-vajūd

hanūz tere tasavvur meñ hai nasheb-o-farāz

visāl jalva tamāshā hai par dimāġh kahāñ

ki diije ā.ina-e-intizār ko pardāz

har ek zarra-e-āshiq hai āftāb-parast

ga.ī na ḳhaak hue par havā-e-jalva-e-nāz

na pūchh vus.at-e-mai-ḳhāna-e-junūñ 'ġhālib'

jahāñ ye kāsa-e-gardūñ hai ek ḳhāk-andāz

fareb-e-san.at-e-ījād kā tamāshā dekh

nigāh aks-farosh o ḳhayāl ā.ina-sāz

zi-bas-ki jalva-e-sayyād hairat-ārā hai

uḌī hai safha-e-ḳhātir se sūrat-e-parvāz

hujūm-e-fikr se dil misl-e-mauj larze hai

ki shīsha nāzuk o sahbā-e-ābgīna-gudāz

'asad' se tark-e-vafā kā gumāñ vo ma.anī hai

ki khīñchiye par-e-tā.ir se sūrat-e-parvāz

hanūz ai asar-e-dīd nañg-e-rusvā.ī

nigāh fitna-ḳhirām o dar-e-do-ālam baaz

harif-e-matlab-e-mushkil nahin fusun-e-niyaz

dua qubul ho ya rab ki umr-e-KHizr daraaz

na ho ba-harzah bayaban-naward-e-wahm-e-wajud

hanuz tere tasawwur mein hai nasheb-o-faraaz

visal jalwa tamasha hai par dimagh kahan

ki dije aaina-e-intizar ko pardaz

har ek zarra-e-ashiq hai aaftab-parast

gai na KHak hue par hawa-e-jalwa-e-naz

na puchh wusat-e-mai-KHana-e-junun 'ghaalib'

jahan ye kasa-e-gardun hai ek KHak-andaz

fareb-e-sanat-e-ijad ka tamasha dekh

nigah aks-farosh o KHayal aaina-saz

zi-bas-ki jalwa-e-sayyaad hairat-ara hai

uDi hai safha-e-KHatir se surat-e-parwaz

hujum-e-fikr se dil misl-e-mauj larze hai

ki shisha nazuk o sahba-e-abgina-gudaz

'asad' se tark-e-wafa ka guman wo mani hai

ki khinchiye par-e-tair se surat-e-parwaz

hanuz ai asar-e-did nang-e-ruswai

nigah fitna-KHiram o dar-e-do-alam baz