harim-e-naz hai aur ek rind-e-mai-KHana

harīm-e-nāz hai aur ek rind-e-mai-ḳhāna

dar-e-qubūl hai aur laġhzishoñ kā nazrāna

ye faiz tere karam kā hai pīr-e-mai-ḳhāna

ki har maqām se guzrā huuñ be-niyāzāna

ḳhirad pe naaz yaqīn-o-amal se begāna

naqīb-e-vahm-o-gumāñ rahbarān-e-farzāna

zabān-e-shauq pe aa.egā dil kā afsāna

kaheñge un se hikāyāt-e-gesū-o-shāna

mizha pe aa.e na betāb dil kā afsāna

chhalak na jaa.e kahīñ chashm-e-tar kā paimāna

parā.e ġham se rahūñ kis tarah maiñ begāna

na mohtasib huuñ na mullā na pīr-e-mai-ḳhāna

hadeñ haram kī banā leñ janāb-e-shaiḳh magar

banā.ī jā.eñgī kaise hudūd-e-mai-ḳhāna

tumhārī bazm se apnī vafā kī manzil tak

milā na raah meñ apnā na koī begāna

hamārā naam liyā jā rahā hai jaam ke saath

badal gayā hai yaqīnan nizām-e-mai-ḳhāna

nigār-ḳhāna-e-dil aur tavahhumāt kā aks

banā liyā hai haqīqat ko ham ne afsāna

harim-e-naz hai aur ek rind-e-mai-KHana

dar-e-qubul hai aur laghzishon ka nazrana

ye faiz tere karam ka hai pir-e-mai-KHana

ki har maqam se guzra hun be-niyazana

KHirad pe naz yaqin-o-amal se begana

naqib-e-wahm-o-guman rahbaran-e-farzana

zaban-e-shauq pe aaega dil ka afsana

kahenge un se hikayat-e-gesu-o-shana

mizha pe aae na betab dil ka afsana

chhalak na jae kahin chashm-e-tar ka paimana

parae gham se rahun kis tarah main begana

na mohtasib hun na mulla na pir-e-mai-KHana

haden haram ki bana len janab-e-shaiKH magar

banai jaengi kaise hudud-e-mai-KHana

tumhaari bazm se apni wafa ki manzil tak

mila na rah mein apna na koi begana

hamara nam liya ja raha hai jam ke sath

badal gaya hai yaqinan nizam-e-mai-KHana

nigar-KHana-e-dil aur tawahhumat ka aks

bana liya hai haqiqat ko hum ne afsana