harim-e-naz se aata hai bahra-war koi

harīm-e-nāz se aatā hai bahra-var koī

dil ā.īna pe liye naqsh-e-fī-hajar koī

hisār-e-dard kī ūñchā.ī baḌhtī jaatī hai

ḳhushī kī āñdhiyāñ aa kar banā.eñ dar koī

paḌā hai yādoñ ke hujre meñ qufl muddat se

hanūz detā hai dastak sī mo'atabar koī

chamaktī raah to nazroñ se hai abhī ojhal

charāġh-e-charḳh kī miltī nahīñ ḳhabar koī

ye shaam Daale hue tan pe surma.ī chādar

gilā karegī siyah-shab se muḳhtasar koī

tamām ḳhvāhisheñ ḳhāshāk meñ huiiñ tabdīl

ghaḌī meñ sho.ala na kar de kahīñ sharar koī

tirī zabān se lipTī hai chāshnī-e-havas

kahāñ se aa.e tirī baat meñ 'asar' koī

harim-e-naz se aata hai bahra-war koi

dil aaina pe liye naqsh-e-fi-hajar koi

hisar-e-dard ki unchai baDhti jati hai

KHushi ki aandhiyan aa kar banaen dar koi

paDa hai yaadon ke hujre mein qufl muddat se

hanuz deta hai dastak si mo'atabar koi

chamakti rah to nazron se hai abhi ojhal

charagh-e-charKH ki milti nahin KHabar koi

ye sham Dale hue tan pe surmai chadar

gila karegi siyah-shab se muKHtasar koi

tamam KHwahishen KHashak mein huin tabdil

ghaDi mein shoala na kar de kahin sharar koi

teri zaban se lipTi hai chashni-e-hawas

kahan se aae teri baat mein 'asar' koi