hasin auraton ko chhoD kar ajab sab the

hasīn auratoñ ko chhoḌ kar ajab sab the

koī hamārā na thā sāhib-e-nasab sab the

maiñ sirf is liye zinda huuñ jab azaab aa.e

to us se āñkheñ milā kar kahūñ ki sab sab the

hasīn aurteñ lashkar meñ bhartī kar dī ga.iiñ

shikast ho ga.ī dushman ko kyūñki ab sab the

qayāmat aa.ī to shikve ke taur par maiñ ne

mazāq uḌāyā kahāñ rah ga.ī thī jab sab the

do-chār log mareñge tumhāre aane par

ziyāda der lagā dī hai tum ne tab sab the

alif girāne ko bhī shirk jānte the ham

ḳhudā pukārte to kaise zer-e-lab sab the

hujūm kahne lagā āsmāñ se hai koī

aur us ne haañ kahā phir is ke baad kab sab the

hamāre paas alag hone kā bahānā thā

hamārī pahlī mulāqāt kā sabab sab the

hasin auraton ko chhoD kar ajab sab the

koi hamara na tha sahib-e-nasab sab the

main sirf is liye zinda hun jab azab aae

to us se aankhen mila kar kahun ki sab sab the

hasin aurten lashkar mein bharti kar di gain

shikast ho gai dushman ko kyunki ab sab the

qayamat aai to shikwe ke taur par main ne

mazaq uDaya kahan rah gai thi jab sab the

do-chaar log marenge tumhaare aane par

ziyaada der laga di hai tum ne tab sab the

alif girane ko bhi shirk jaante the hum

KHuda pukarte to kaise zer-e-lab sab the

hujum kahne laga aasman se hai koi

aur us ne han kaha phir is ke baad kab sab the

hamare pas alag hone ka bahana tha

hamari pahli mulaqat ka sabab sab the