hasin taj ki surat ye be-sada patthar

hasīn taaj kī sūrat ye be-sadā patthar

dikhā rahe haiñ mohabbat kā mo.ajiza patthar

subūt-e-sañg-dilī is se baḌh ke kyā hogā

jo phuul pheñkā mirī samt ban gayā patthar

tumhāre shahr ko maiñ kyuuñ na kāmrūp kahūñ

ki ik nigāh ne mujh ko banā diyā patthar

samajh sake na kabhī maslahat zamāne kī

bas is qusūr pe khaa.e haiñ bārhā patthar

kareñge ab na gila tum se bevafā.ī kā

lo aaj ham ne kaleje pe rakh liyā patthar

sunā rahe haiñ kahānī vafā-parastoñ kī

saje hue haiñ jo maqtal meñ jā-ba-jā patthar

hasin taj ki surat ye be-sada patthar

dikha rahe hain mohabbat ka moajiza patthar

subut-e-sang-dili is se baDh ke kya hoga

jo phul phenka meri samt ban gaya patthar

tumhaare shahr ko main kyun na kaamrup kahun

ki ek nigah ne mujh ko bana diya patthar

samajh sake na kabhi maslahat zamane ki

bas is qusur pe khae hain barha patthar

karenge ab na gila tum se bewafai ka

lo aaj hum ne kaleje pe rakh liya patthar

suna rahe hain kahani wafa-paraston ki

saje hue hain jo maqtal mein ja-ba-ja patthar