hasinon par kisi ka jab dil-e-nashad aata hai

hasīnoñ par kisī kā jab dil-e-nāshād aatā hai

hameñ apnī javānī kā zamāna yaad aatā hai

satāne jab koī ham ko sitam-ījād aatā hai

ḳhudā baḳhshe dil-e-marhūm kyā kyā yaad aatā hai

mubārak tujh ko ai shauq-e-shahādat vaqt aa pahuñchā

ajab andāz se ḳhanjar-ba-kaf jallād aatā hai

qayāmat se sivā dhūmeñ machī haiñ us ke aane kī

sū-e-mahshar kisī kā kushta-e-bedād aatā hai

na ab vo husn baaqī hai na ab vo ishq baaqī hai

tumheñ apnā hameñ apnā zamāna yaad aatā hai

nahīñ thamte kisī kī aañkh se aañsū nahīñ thamte

tirī mahfil meñ jab zikr-e-dil-e-nāshād aatā hai

tamāshā hai tire kūche meñ aane jaane vāloñ kā

koī nāshād jaatā hai koī nāshād aatā hai

vo zanjīr-e-junūñ hai jis meñ kaḌiyāñ haiñ mohabbat kī

mujhe hukm-e-asīrī bhī bilā-mī.ād aatā hai

nasheman meñ qafas meñ farq bas itnā hai ai 'safdar'

idhar sayyād jaatā hai udhar sayyād aatā hai

hasinon par kisi ka jab dil-e-nashad aata hai

hamein apni jawani ka zamana yaad aata hai

satane jab koi hum ko sitam-ijad aata hai

KHuda baKHshe dil-e-marhum kya kya yaad aata hai

mubarak tujh ko ai shauq-e-shahadat waqt aa pahuncha

ajab andaz se KHanjar-ba-kaf jallad aata hai

qayamat se siwa dhumen machi hain us ke aane ki

su-e-mahshar kisi ka kushta-e-bedad aata hai

na ab wo husn baqi hai na ab wo ishq baqi hai

tumhein apna hamein apna zamana yaad aata hai

nahin thamte kisi ki aankh se aansu nahin thamte

teri mahfil mein jab zikr-e-dil-e-nashad aata hai

tamasha hai tere kuche mein aane jaane walon ka

koi nashad jata hai koi nashad aata hai

wo zanjir-e-junun hai jis mein kaDiyan hain mohabbat ki

mujhe hukm-e-asiri bhi bila-miad aata hai

nasheman mein qafas mein farq bas itna hai ai 'safdar'

idhar sayyaad jata hai udhar sayyaad aata hai