hasrat-e-zohra-washan sarw-qadan hai ki jo thi

hasrat-e-zohra-vashāñ sarv-qadāñ hai ki jo thī

apnā sarmāya-e-dil yād-e-butāñ hai ki jo thī

kaj-kulāhoñ se bhī sharminda na hone paa.e

ham meñ vo jur.at-e-iz.hār-e-bayāñ hai ki jo thī

vaz.a-dārī meñ koī farq na aayā sar-e-mū

vahī āvārgī-e-kū-e-butāñ hai ki jo thī

maiñ ne sarmāya-e-dil nazr-e-butāñ kar Daalā

mere nāseh ko magar fikr-e-ziyāñ hai ki jo thī

merī āshufta-mizājī mirī shorīda-sarī

ab bhī maqbūl-e-hasīnān-e-jahāñ hai ki jo thī

'shauq' taqdīr ne karvaT bhī na badlī ab tak

zindagī ab bhī vahī sañg-e-garāñ hai ki jo thī

hasrat-e-zohra-washan sarw-qadan hai ki jo thi

apna sarmaya-e-dil yaad-e-butan hai ki jo thi

kaj-kulahon se bhi sharminda na hone pae

hum mein wo jurat-e-izhaar-e-bayan hai ki jo thi

waza-dari mein koi farq na aaya sar-e-mu

wahi aawargi-e-ku-e-butan hai ki jo thi

main ne sarmaya-e-dil nazr-e-butan kar Dala

mere naseh ko magar fikr-e-ziyan hai ki jo thi

meri aashufta-mizaji meri shorida-sari

ab bhi maqbul-e-hasinan-e-jahan hai ki jo thi

'shauq' taqdir ne karwaT bhi na badli ab tak

zindagi ab bhi wahi sang-e-garan hai ki jo thi