chehre pe mere zulf ko phailao kisi din

chehre pe mire zulf ko phailāo kisī din

kyā roz garajte ho baras jaao kisī din

rāzoñ kī tarah utro mire dil meñ kisī shab

dastak pe mire haath kī khul jaao kisī din

peḌoñ kī tarah husn kī bārish meñ nahā luuñ

bādal kī tarah jhuum ke ghar aao kisī din

ḳhushbū kī tarah guzro mirī dil kī galī se

phūloñ kī tarah mujh pe bikhar jaao kisī din

guzreñ jo mere ghar se to ruk jaa.eñ sitāre

is tarah mirī raat ko chamkāo kisī din

maiñ apnī har ik saañs usī raat ko de duuñ

sar rakh ke mire siine pe so jaao kisī din

chehre pe mere zulf ko phailao kisi din

kya roz garajte ho baras jao kisi din

raazon ki tarah utro mere dil mein kisi shab

dastak pe mere hath ki khul jao kisi din

peDon ki tarah husn ki barish mein naha lun

baadal ki tarah jhum ke ghar aao kisi din

KHushbu ki tarah guzro meri dil ki gali se

phulon ki tarah mujh pe bikhar jao kisi din

guzren jo mere ghar se to ruk jaen sitare

is tarah meri raat ko chamkao kisi din

main apni har ek sans usi raat ko de dun

sar rakh ke mere sine pe so jao kisi din