hasraten ban kar nigahon se baras jaenge hum

hasrateñ ban kar nigāhoñ se baras jā.eñge ham

ek din aa.egā jab un ko bhī yaad ā.eñge ham

chāñdnī ban kar kabhī dāman pe lahrā.eñge ham

ban ke aañsū gaah palkoñ par Thahar jā.eñge ham

shaam ko jām-e-masarrat bhar ke chalkā.eñge ham

sub.h ko daur-e-charāġh-e-bazm ban jā.eñge ham

phir kahāñ pā.eñge ham ko nau-urūsān-e-chaman

jab fazā-e-rañg-o-bū meñ jazb ho jā.eñge ham

TuuT jā.egā ġhurūr-e-bahr-e-nā-paidā-kanār

is tarah biphrī huī maujoñ se Takrā.eñge ham

jab zamāna ḳhud hī dhokā ban gayā 'shaukat' to phir

kaun jaane kis qadar dhoke abhī khā.eñge ham

hasraten ban kar nigahon se baras jaenge hum

ek din aaega jab un ko bhi yaad aaenge hum

chandni ban kar kabhi daman pe lahraenge hum

ban ke aansu gah palkon par Thahar jaenge hum

sham ko jam-e-masarrat bhar ke chalkaenge hum

subh ko daur-e-charagh-e-bazm ban jaenge hum

phir kahan paenge hum ko nau-urusan-e-chaman

jab faza-e-rang-o-bu mein jazb ho jaenge hum

TuT jaega ghurur-e-bahr-e-na-paida-kanar

is tarah biphri hui maujon se Takraenge hum

jab zamana KHud hi dhoka ban gaya 'shaukat' to phir

kaun jaane kis qadar dhoke abhi khaenge hum