hasti-e-nist-numa dida-e-hairan samjha

hastī-e-nīst-numā dīda-e-hairāñ samjhā

tujh ko daurān-e-baqā ḳhvāb-e-pareshāñ samjhā

kufr-o-īmāñ kā ajab rañg hai nairañgī meñ

ye vo nairañg hai kāfir na musalmāñ samjhā

lailī-e-shoḳh-adā ain-e-tasavvur jo banī

qais ko dāman-e-sahrā meñ hudā-ḳhvāñ samjhā

vus.at-e-mashrab-e-rindāñ kā nahīñ hai mahram

zāhid-e-sāda hameñ be-sar-o-sāmāñ samjhā

rañg-e-fitrat ne banāyā hai jo majzūb-e-qimāsh

manzar-e-ālam-e-nairañg-e-bayābāñ samjhā

sālik-e-rāh-e-talab aap hue rāh-e-ġhalat

jāda-e-manzil-e-dushvār ko āsāñ samjhā

jām-e-sarshār se masrūr rahegā 'sāqī'

terā mastāna bhī ai sāqī-e-daurāñ samjhā

hasti-e-nist-numa dida-e-hairan samjha

tujh ko dauran-e-baqa KHwab-e-pareshan samjha

kufr-o-iman ka ajab rang hai nairangi mein

ye wo nairang hai kafir na musalman samjha

laili-e-shoKH-ada ain-e-tasawwur jo bani

qais ko daman-e-sahra mein huda-KHwan samjha

wusat-e-mashrab-e-rindan ka nahin hai mahram

zahid-e-sada hamein be-sar-o-saman samjha

rang-e-fitrat ne banaya hai jo majzub-e-qimash

manzar-e-alam-e-nairang-e-bayaban samjha

salik-e-rah-e-talab aap hue rah-e-ghalat

jada-e-manzil-e-dushwar ko aasan samjha

jam-e-sarshaar se masrur rahega 'saqi'

tera mastana bhi ai saqi-e-dauran samjha