na diya bosa-e-lab kha ke qasam bhul gae

na diyā bosa-e-lab khā ke qasam bhuul ga.e

de ke aisī mujhe e'jāz kā dam bhuul ga.e

chashm-o-abrū ko tire dekh ke aatā hai ḳhayāl

tāq-e-kisrā pe yahāñ sāġhar-e-jam bhuul ga.e

ai shah-e-husn ye qalmeñ nahīñ aariz pe tire

kātibān-e-ḳhat-e-ruḳhsār qalam bhuul ga.e

vo bhī kyā din the ki 'āshiq the tumhāre ham bhī

ab to fariyād-o-fuġhāñ dard-o-alam bhuul ga.e

haa.e qismat kā likhā aa.e to qāsid ye kahe

ḳhat tumhāre liye vo kar ke raqam bhuul ga.e

terā gulzār hai kis baaġh kī muulī bulbul

kū-e-jānāñ meñ to ham bāġh-e-iram bhuul ga.e

chashm-e-bad-dūr vo āñkheñ haiñ tumhārī sāhab

dekh kar chaukḌī āhū-e-haram bhuul ga.e

aap kā dost hai ye apnī baġhal kā dushman

yaad dilvā.e vahīñ dil ne jo ham bhuul ga.e

zā.iqa maut kā bas yaad dilā detā hai

kyā qayāmat hai ye kahnā tirā ham bhuul ga.e

mirzā mahr-e-mohabbat tumheñ phir yaad aa.ī

dil pe guzrī thī jo kuchh ranj-o-alam bhuul ga.e

rah gayā yaad tumheñ jaur-o-jafā zulm-o-sitam

lutf-o-altāf-o-ināyāt-o-karam bhuul ga.e

ka.aba-e-dil meñ bas ab rahtī hai allāh kī yaad

rāsta dair kā ham shakl-e-sanam bhuul ga.e

yaad rahtī hai faqat ham ko tire kūcha kī

vā.izoñ se sunā hāl-e-iram bhuul ga.e

yaad rakhne kī ye bāteñ haiñ bajā hai sach hai

aap bhūle na hameñ aap ko ham bhuul ga.e

dil se dil ko hai agar raah to hai yaad se yaad

tum hameñ bhuul ga.e tum ko bhī ham bhuul ga.e

bas hamāre hī liye aap ko nisyāñ bhī hai

kabhī ġhairoñ ko na sāhab koī dam bhuul ga.e

kūcha-e-zulf meñ yā halqa-e-gesū meñ tire

yaad aatā hai yahīñ dil kahīñ ham bhuul ga.e

sher-e-hindī jo sune 'mehr' jigar tafta ke

apnā andāz-e-fasīhān-e-ajam bhuul ga.e

na diya bosa-e-lab kha ke qasam bhul gae

de ke aisi mujhe e'jaz ka dam bhul gae

chashm-o-abru ko tere dekh ke aata hai KHayal

taq-e-kisra pe yahan saghar-e-jam bhul gae

ai shah-e-husn ye qalmen nahin aariz pe tere

katiban-e-KHat-e-ruKHsar qalam bhul gae

wo bhi kya din the ki 'ashiq the tumhaare hum bhi

ab to fariyaad-o-fughan dard-o-alam bhul gae

hae qismat ka likha aae to qasid ye kahe

KHat tumhaare liye wo kar ke raqam bhul gae

tera gulzar hai kis bagh ki muli bulbul

ku-e-jaanan mein to hum bagh-e-iram bhul gae

chashm-e-bad-dur wo aankhen hain tumhaari sahab

dekh kar chaukDi aahu-e-haram bhul gae

aap ka dost hai ye apni baghal ka dushman

yaad dilwae wahin dil ne jo hum bhul gae

zaiqa maut ka bas yaad dila deta hai

kya qayamat hai ye kahna tera hum bhul gae

mirza mahr-e-mohabbat tumhein phir yaad aai

dil pe guzri thi jo kuchh ranj-o-alam bhul gae

rah gaya yaad tumhein jaur-o-jafa zulm-o-sitam

lutf-o-altaf-o-inayat-o-karam bhul gae

kaba-e-dil mein bas ab rahti hai allah ki yaad

rasta dair ka hum shakl-e-sanam bhul gae

yaad rahti hai faqat hum ko tere kucha ki

waizon se suna haal-e-iram bhul gae

yaad rakhne ki ye baaten hain baja hai sach hai

aap bhule na hamein aap ko hum bhul gae

dil se dil ko hai agar rah to hai yaad se yaad

tum hamein bhul gae tum ko bhi hum bhul gae

bas hamare hi liye aap ko nisyan bhi hai

kabhi ghairon ko na sahab koi dam bhul gae

kucha-e-zulf mein ya halqa-e-gesu mein tere

yaad aata hai yahin dil kahin hum bhul gae

sher-e-hindi jo sune 'mehr' jigar tafta ke

apna andaz-e-fasihan-e-ajam bhul gae