hausla bhale na do uDan ka
hausla bhale na do uḌaan kā
tazkira to chhoḌ do thakān kā
iiñT ugtī dekh apne khet meñ
ro paḌā hai aaj dil kisān kā
kapḌe aur roTiyāñ milīñ magar
mas.ala abhī bhī hai makān kā
mujh meñ koī hiire haiñ jaḌe hue
sab kamāl hai tire bakhān kā
ik nadī ke do kināroñ aisā hai
fāsla hamāre darmiyān kā
chāhtā huuñ maiñ hī qissa-go banūñ
dard kī tavīl dāstān kā
shab hamārā chāñd chhat pe aayā to
rañg uḌ gayā thā āsmān kā
maiñ charāġh se jalā charāġh huuñ
raushnī hai pesha ḳhāndān kā
kar gayā ḳhamosh mujh ko der tak
chīḳhnā vo ek be-zabān kā
hausla bhale na do uDan ka
tazkira to chhoD do thakan ka
inT ugti dekh apne khet mein
ro paDa hai aaj dil kisan ka
kapDe aur roTiyan milin magar
masala abhi bhi hai makan ka
mujh mein koi hire hain jaDe hue
sab kamal hai tere bakhan ka
ek nadi ke do kinaron aisa hai
fasla hamare darmiyan ka
chahta hun main hi qissa-go banun
dard ki tawil dastan ka
shab hamara chand chhat pe aaya to
rang uD gaya tha aasman ka
main charagh se jala charagh hun
raushni hai pesha KHandan ka
kar gaya KHamosh mujh ko der tak
chiKHna wo ek be-zaban ka
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
