hausle apne rahnuma to hue

hausle apne rahnumā to hue

hādse ġham kā aasrā to hue

be-vafā hī sahī zamāne meñ

ham kisī fan kī intihā to hue

vādi-e-ġham ke ham khañDar hī sahī

aane vāloñ kā rāsta to hue

kuchh to maujeñ uThī samundar se

be-sabab hī sahī ḳhafā to hue

un ko apnā hī ġham sahī lekin

vo kisī ġham meñ mubtilā to hue

ḳhud ko begāna kar ke duniyā se

chand chehroñ se āshnā to hue

ḳhanda-e-gul hue ki shola-e-jāñ

haal pe mere lab-kushā to hue

pattharoñ ke nagar meñ jā ke 'nazar'

kam se kam sañg-āshnā to hue

hausle apne rahnuma to hue

hadse gham ka aasra to hue

be-wafa hi sahi zamane mein

hum kisi fan ki intiha to hue

wadi-e-gham ke hum khanDar hi sahi

aane walon ka rasta to hue

kuchh to maujen uThi samundar se

be-sabab hi sahi KHafa to hue

un ko apna hi gham sahi lekin

wo kisi gham mein mubtila to hue

KHud ko begana kar ke duniya se

chand chehron se aashna to hue

KHanda-e-gul hue ki shola-e-jaan

haal pe mere lab-kusha to hue

pattharon ke nagar mein ja ke 'nazar'

kam se kam sang-ashna to hue