hawa aai na indhan aa raha hai
havā aa.ī na īñdhan aa rahā hai
charāġhoñ meñ nayā-pan aa rahā hai
jamāl-e-yār tere jhāñkne se
kueñ se paanī raushan aa rahā hai
maiñ galiyoñ meñ nikalnā chāhtā huuñ
mire raste meñ āñgan aa rahā hai
mujhe shahtūt kī ḳhvāhish bahut thī
magar mujh par to jāman aa rahā hai
miyāñ maiñ apnī jānib aa rahā huuñ
ḳhabar kar do ki dushman aa rahā hai
mujhe ḳhairāt bāñTī jā rahī hai
mire hāthoñ meñ bartan aa rahā hai
gale meñ haar aanā chāhiye thā
gale meñ tauq-e-gardan aa rahā hai
hawa aai na indhan aa raha hai
charaghon mein naya-pan aa raha hai
jamal-e-yar tere jhankne se
kuen se pani raushan aa raha hai
main galiyon mein nikalna chahta hun
mere raste mein aangan aa raha hai
mujhe shahtut ki KHwahish bahut thi
magar mujh par to jaman aa raha hai
miyan main apni jaanib aa raha hun
KHabar kar do ki dushman aa raha hai
mujhe KHairaat banTi ja rahi hai
mere hathon mein bartan aa raha hai
gale mein haar aana chahiye tha
gale mein tauq-e-gardan aa raha hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
