hawa aashufta-tar rakhti hai hum aashufta-haalon ko

havā āshufta-tar rakhtī hai ham āshufta-hāloñ ko

baratnā chāhtī hai dasht-e-majnūñ ke havāloñ ko

na aayā kuchh magar ham kushtagān-e-shauq ko aayā

havā kī zad meñ āḳhir be-sipar rakhnā ḳhayāloñ ko

ḳhudā rakkhe tujhe ai naqsh-e-dīvār-e-sanam-ḳhāna

kaheñge log dīvār-e-abad terī misāloñ ko

añdherī raat meñ ik dasht-e-vahshat zindagī niklī

chalā jaatā huuñ dāmān-e-nazar detā ujāloñ ko

bujhā jaatā hai dil sā ek la.al-e-shab charāġh āḳhir

kahāñ le jā.ūñ us ke saath ke sāhib-jamāloñ ko

khaḌī hai taaj pahne shahr meñ ḳhār-e-muġhīlāñ kā

javāb-e-tāza dene zindagī kohna savāloñ ko

ḳhayābāñ ḳhandaqoñ meñ khul ga.e vo mauj-e-ḳhūñ guzrī

havā-e-zaḳhma-var ne saaz samjhā hai nihāloñ ko

nikalne hī na paa.e halqa-e-dasht-e-tamannā se

milī thī gardish-e-parkār aisī kuchh ġhazāloñ ko

subū meñ maujzan āb-e-zamīr-e-mai-gusārāñ hai

tulū-e-sub.h tak raushan rakkheñge ham piyāloñ ko

kabūd o surḳh meñ thī nek o bad meñ daaġh o darmāñ meñ

havā sayyāh thī dekh aa.ī sab ġham ke shivāloñ ko

taġhayyur kī zamīñ par aadmī kā tez-rau partav

gayā hai sūrat-e-mish.al liye ā.inda sāloñ ko

hawa aashufta-tar rakhti hai hum aashufta-haalon ko

baratna chahti hai dasht-e-majnun ke hawalon ko

na aaya kuchh magar hum kushtagan-e-shauq ko aaya

hawa ki zad mein aaKHir be-sipar rakhna KHayalon ko

KHuda rakkhe tujhe ai naqsh-e-diwar-e-sanam-KHana

kahenge log diwar-e-abad teri misalon ko

andheri raat mein ek dasht-e-wahshat zindagi nikli

chala jata hun daman-e-nazar deta ujalon ko

bujha jata hai dil sa ek lal-e-shab charagh aaKHir

kahan le jaun us ke sath ke sahib-jamalon ko

khaDi hai taj pahne shahr mein KHar-e-mughilan ka

jawab-e-taza dene zindagi kohna sawalon ko

KHayaban KHandaqon mein khul gae wo mauj-e-KHun guzri

hawa-e-zaKHma-war ne saz samjha hai nihaalon ko

nikalne hi na pae halqa-e-dasht-e-tamanna se

mili thi gardish-e-parkar aisi kuchh ghazalon ko

subu mein maujzan aab-e-zamir-e-mai-gusaran hai

tulu-e-subh tak raushan rakkhenge hum piyalon ko

kabud o surKH mein thi nek o bad mein dagh o darman mein

hawa sayyah thi dekh aai sab gham ke shiwalon ko

taghayyur ki zamin par aadmi ka tez-rau partaw

gaya hai surat-e-mishal liye aainda salon ko