hawa chalti hai dam Thahra hua hai
havā chaltī hai dam Thahrā huā hai
fazā meñ kis kā ġham Thahrā huā hai
tasavvur meñ ubharte ḳhāl-o-ḳhad par
musavvir kā qalam Thahrā huā hai
usī ko apnī manzil kah rahā hai
jahāñ jis kā qadam Thahrā huā hai
samā.at ke jazīroñ meñ kahīñ par
tire lahje kā ram Thahrā huā hai
zarā Thahro ki chaltī hai abhī saañs
chale aao ki dam Thahrā huā hai
mire ḳhvāboñ ke ruḳhsāroñ pe ab tak
kisī bose kā nam Thahrā huā hai
ḳhudā bhī hai usī kūche kā baasī
jahāñ merā sanam Thahrā huā hai
hawa chalti hai dam Thahra hua hai
faza mein kis ka gham Thahra hua hai
tasawwur mein ubharte KHal-o-KHad par
musawwir ka qalam Thahra hua hai
usi ko apni manzil kah raha hai
jahan jis ka qadam Thahra hua hai
samaat ke jaziron mein kahin par
tere lahje ka ram Thahra hua hai
zara Thahro ki chalti hai abhi sans
chale aao ki dam Thahra hua hai
mere KHwabon ke ruKHsaron pe ab tak
kisi bose ka nam Thahra hua hai
KHuda bhi hai usi kuche ka basi
jahan mera sanam Thahra hua hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
