hawa-e-shab se na bujhte hain aur na jalte hain
havā-e-shab se na bujhte haiñ aur na jalte haiñ
kisī kī yaad ke jugnū dhuāñ ugalte haiñ
shab-e-bahār meñ mahtāb ke hasīñ saa.e
udaas pā ke hameñ aur bhī machalte haiñ
asīr-e-dām-e-junūñ haiñ hameñ rihā.ī kahāñ
ye rañg o bū ke qafas apne saath chalte haiñ
ye dil vo kārgah-e-marg-o-zīst hai ki jahāñ
sitāre Dūbte haiñ, āftāb Dhalte haiñ
ḳhud apnī aag se shāyad gudāz ho jaa.eñ
parā.ī aag se kab sañg-dil pighalte haiñ
hawa-e-shab se na bujhte hain aur na jalte hain
kisi ki yaad ke jugnu dhuan ugalte hain
shab-e-bahaar mein mahtab ke hasin sae
udas pa ke hamein aur bhi machalte hain
asir-e-dam-e-junun hain hamein rihai kahan
ye rang o bu ke qafas apne sath chalte hain
ye dil wo kargah-e-marg-o-zist hai ki jahan
sitare Dubte hain, aaftab Dhalte hain
KHud apni aag se shayad gudaz ho jaen
parai aag se kab sang-dil pighalte hain
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
