hawa hi lau ko ghaTati wahi baDhati hai
havā hī lau ko ghaTātī vahī baḌhātī hai
ye kis gumān meñ duniyā diye jalātī hai
bhaTakne vāloñ ko kyā farq is se paḌtā hai
safar meñ kaun saḌak kis taraf ko jaatī hai
ajiib ḳhauf kā gumbad hai mere chār-taraf
mirī sadā mire kānoñ meñ lauT aatī hai
vo jis bhī raah se guzre jahāñ qayām kare
zamīñ vahāñ kī sitāroñ se bhartī jaatī hai
ye zindagī bhī kahīñ ho na shahr-zād kā ruup
shabāna roz kahānī na.ī sunātī hai
hawa hi lau ko ghaTati wahi baDhati hai
ye kis guman mein duniya diye jalati hai
bhaTakne walon ko kya farq is se paDta hai
safar mein kaun saDak kis taraf ko jati hai
ajib KHauf ka gumbad hai mere chaar-taraf
meri sada mere kanon mein lauT aati hai
wo jis bhi rah se guzre jahan qayam kare
zamin wahan ki sitaron se bharti jati hai
ye zindagi bhi kahin ho na shahr-zad ka rup
shabana roz kahani nai sunati hai
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
