hawa ka lams jo apne kiwaD kholta hai

havā kā lams jo apne kivāḌ kholtā hai

to der tak mire ghar kā sukūt boltā hai

ham aise ḳhāk-nashīñ kyā lubhā sakeñge use

vo apnā 'aks bhī mīzān-e-zar meñ toltā hai

jo ho sake to yahī raat oḌh le tan par

bujhā charāġh añdhere meñ kyoñ TaToltā hai

usī se maañg lo ḳhairāt apne ḳhvāboñ kī

vo jāgtī huī āñkhoñ meñ niiñd gholtā hai

sunā hai zalzale aate haiñ ‘arsh par 'mohsin'

ki be-gunāh lahū jab sināñ pe boltā hai

hawa ka lams jo apne kiwaD kholta hai

to der tak mere ghar ka sukut bolta hai

hum aise KHak-nashin kya lubha sakenge use

wo apna 'aks bhi mizan-e-zar mein tolta hai

jo ho sake to yahi raat oDh le tan par

bujha charagh andhere mein kyon TaTolta hai

usi se mang lo KHairaat apne KHwabon ki

wo jagti hui aankhon mein nind gholta hai

suna hai zalzale aate hain ‘arsh par 'mohsin'

ki be-gunah lahu jab sinan pe bolta hai